İlham Əliyev: "Azərbaycanla Gürcüstan arasında münasibətlər bütün sahələrdə uğurla inkişaf edir"

Azərbaycan Prezidenti İlham Əliyev Azərbaycan ilə Gürcüstan arasında ikitərəfli dostluq və qardaşlıq münasibətlərinin bütün sahələrdə uğurla inkişaf etdiyini vurğulayıb.

InterPress.ge-nin xəbərinə görə, bu barədə Azərbaycan lideri dekabrın 11-də Gürcüstan parlamentinin sədri Şalva Papuaşvilinin başçılıq etdiyi nümayəndə heyətini qəbul edərkən bildirib.

Azərbaycanın dövlət başçısı Gürcüstanın Baş naziri ilə mütəmadi görüşlərinin, o cümlədən Azərbaycan Prezidentinin dəvəti ilə İrakli Qaribaşvilinin fəxri qonaq qismində SPECA-nın Bakıda keçirilmiş Zirvə görüşündə iştirakı zamanı onunla görüşünün əlaqələrin möhkəmlənməsi işində rolunu qeyd edib.