Bir neçə təyyarə pis hava şəraiti ilə əlaqədar Tbilisi Hava Limanına eniş edə bilməyib

Duman və zəif görmə səbəbindən bir neçə təyyarə Tbilisi Beynəlxalq Hava Limanına enə bilməyib.

InterPress.ge xəbər verir ki, bu barədə “İctimai Yayımçı” məlumat yayıb və yazıb ki, reyslər başqa aeroportlara yönləndirilib.

Hava limanından verilən məlumata görə, “Qatar Airlines” şirkətinin Doha-Tbilisi reysi İrəvana, “Azimut” aviaşirkətinin Moskva-Tbilisi reysi Kutaisiyə, “Cəzirə” aviaşirkətinin Küveyt-Tbilisi təyyarəsi isə İrəvana eniş edib.

Bundan əlavə, Pegasus və Türk Hava Yollarının İstanbul-Tbilisi reysləri ləğv edilib.