Entoni Blinken: “NATO-da hər kəs Ukraynaya güclü və uzunmüddətli yardımı dəstəkləyir“

NATO-da hər kəs Ukraynaya güclü və uzunmüddətli yardımı dəstəkləyir.

InterPress.ge xəbər verir ki, bu barədə ABŞ-ın dövlət katibi Entoni Blinken NATO-nun baş katibi Yens Stoltenberqlə keçirdiyi brifinqdə bildirib.

Blinken qeyd edib ki, noyabrın 29-da keçirilən iclasda NATO üzvləri Ukraynaya uzunmüddətli yardımı müzakirə ediblər.
Dövlət katibinin sözlərinə görə,müttəfiqlər indi Ukraynaya təkcə özünü müdafiə etməyə davam edə bilməsi üçün deyil, həm də Kiyevin yeni təcavüzün qarşısını almaq və özünü ondan müdafiə edə bilməsi üçün hərbi potensialını inkişaf etdirmək perspektivi ilə yardım göstərir.

“Mən sizə demək istəyirəm: masa arxasında bütün həmkarlarımızı dinləyəndə onların hamısı Ukraynaya güclü və uzunmüddətli yardımı dəstəklədilər. Bəziləri ABŞ və digər NATO müttəfiqlərinin gələcəkdə Ukraynaya dəstəyini davam etdirib-etdirməmələrini şübhə altına alırlar.
Bu gün NATO-da cavab çox aydın və dönməzdir: biz Ukraynanı dəstəkləməliyik və edəcəyik. Rusiya Federasiyasının işğalçı müharibəsinin onun strateji uğursuzluğuna çevrilməsini təmin etmək, Kreml onu başlatdığı zaman olduğu kimi indi də vacibdir.
Maraqlar hamıya aydındır. Biz açıq siqnal verməliyik ki, dünyanın heç bir ölkəsi öz sərhədlərini zorla dəyişdirə bilməz. Bu, hər bir müttəfiqin və alyansın üzvü olmayan bir çox ölkələrin maraqlarına uyğundur”, - Blinken bildirib.