Mixeil Saakaşvili bəyanat paylaşdı

"Mən liderliklə bağlı siyasi məsuliyyəti öz üzərimə götürürəm və bu mübarizədə mümkün qədər çox olsaq, çox sevinərəm".

InterPress.ge xəbər verir ki, bu barədə keçmiş prezident Mixeil Saakaşvili sosial şəbəkədə yazıb.

Onun bəyanatına görə, “Milli Hərəkat”ın siyasi şurasının genişləndirilməsi, o cümlədən partiyaya böyük xidmətləri olan, siyasi şuranın üzvü olmuş şəxslərin geri qaytarılması lazımdır.

“Dünənki tədbir parlaq şəkildə həyata keçirildi və çox dəqiq təsdiq oldu ki, “Milli Hərəkat” nəinki yaşayır, həm də hər gün daha da yaxşılaşır. Levan Xabeişvili, Giorgi Vaşadze, Gia Xarçilava, Tika Bokuçava və başqaları gözəl çıxış etdi. Manifestə gəlincə, bir vacib məqamı nəzərə alaraq onun mətni ilə tamamilə razıyam. Bir tərəfdən, seçilmiş orqanlar, şübhəsiz ki, legitimdir, digər tərəfdən, “Milli Hərəkat”ın siyasi şurasının genişləndirilməsi, o cümlədən partiyaya böyük xidmətləri olan, siyasi şuranın üzvü olmuş şəxslərin geri qaytarılması lazımdır. 

Əlbəttə, hamımız razılaşmalıyıq ki, bundan sonra bir-birimizə hücum etməyi dayandıracağıq və hamımız ümumi düşmənə qarşı birgə mübarizə aparacağıq", - deyə o qeyd edib.