Cozef Borrell İsrailə səfər edəcək

Avropa İttifaqının Xarici Əlaqələr və Təhlükəsizlik üzrə Ali Nümayəndəsi Cozef Borrell Yaxın Şərqə səfər edəcək.

InterPress.ge xəbər verir ki, bu barədə Borell özü sosial şəbəkədə bildirib.

“Mən bu həftə İsrail, Fələstin, Bəhreyn, Səudiyyə Ərəbistanı, Qətər və İordaniyaya səfər edəcəyəm və regional liderlərlə humanitar yardım və siyasi məsələləri müzakirə edəcəyəm. Bizə iki dövlət prinsipinə əsaslanan həll yolunda siyasi üfüq lazımdır. Buna ancaq dialoq yolu ilə nail olmaq olar”, - Borrel yazıb.