2024-cü ildə hava limanlarının tikintisinə əlavə 70 milyon lari xərclənəcək

"İqtisadiyyat Nazirliyinə hava limanlarının tikintisi üçün əlavə 70 milyon lari vəsait ayrılıb".

InterPress.ge xəbər verir ki, bu barədə İrakli Qaribaşvili hökumətin bu gün keçirilən iclasında bildirib.

Onun sözlərinə görə, 2024-cü ildə əlavə büdcə Kutaisi, Telavi və Vaziani hava limanlarının inkişafına yönəldiləcək.

“Söhbət Kutaisi hava limanının, Telavi hava limanının və Vaziani hava limanının yeni uçuş-enmə zolağının dizaynının, o cümlədən tədqiqatların başa çatdırılmasından gedir”. - Baş nazir qeyd edib.