Nikoloz Samxaradze Qətərin Gürcüstandakı səfiri ilə görüşüb

Gürcüstan Parlamentinin Xarici Əlaqələr Komitəsinin sədri Nikoloz Samxaradze Qətər Dövlətinin Gürcüstandakı səfiri Həsən Əhməd Əl-Mütava ilə görüşüb.

InterPress.ge xəbər verir ki, nazirliyin məlumatına görə, tərəflər iki ölkə arasında siyasi əlaqələri və iqtisadi əməkdaşlığın inkişafını müzakirə ediblər.
 

Həmçinin Parlamentlərarası əlaqələrin dərinləşməsi vurğulanıb. Regional təhlükəsizlik mühiti, o cümlədən Cənubi Qafqaz və Yaxın Şərqdə baş verən hadisələr müzakirə olunub.

"Qətər səfiri ilə görüşdə qeyd etdik ki, iki ölkə arasında siyasi əlaqələr yüksək səviyyədədir və biz onlar arasında azad ticarət istiqamətində iqtisadi əməkdaşlığı daha da inkişaf etdirmək istəyirik", - Xarici Əlaqələr Komitəsinin sədri bildirib.

Nikoloz Samxaradze Qətər qanunverici orqanının Xarici Əlaqələr Komitəsinin üzvlərini Gürcüstana rəsmi səfərə dəvət edib.