Rusiyalı diplomat İstanbulda otel otağında ölü tapılıb

Rusiyalı diplomat Nikolay Kobrinets İstanbulda ölü tapılıb.

InerPress.ge xəbər verir ki, bu barədə Rusiya mətbuatı məlumat yayıb.

Məlumata görə, Rusiya Xarici İşlər Nazirliyinin Avropa əməkdaşlığı departamentinin direktoru 61 yaşlı Kobrinets Türkiyəyə səfirlərin görüşünə getsə də, həmkarlarının dediyinə görə, o, görüşdə iştirak etməyib. Onunla telefonla əlaqə saxlamaq mümkün olmayıb və daha sonra rus diplomatın cəsədini işçilər Taksim səmtindəki otel otağında tapıblar.

Rusiya Xarici İşlər Nazirliyi Kobrinetsin ölümünü təsdiqləsə də, səbəbini açıqlamayıb. Rusiya mətbuatı xəbər verir ki, səbəb infarkt olub.