İrakli Ğaribaşvili Viktor Orbana: "Siz ölkəmizin və xalqımızın əsl dostusunuz"

"Siz ölkəmizin və xalqımızın əsl dostusunuz və ölkəmizin Avropaya inteqrasiyası, suverenliyi və ərazi bütövlüyünün güclü tərəfdarısınız".

InterPress.ge xəbər verir ki, bu barədə Gürcüstanın Baş naziri İrakli Ğaribaşvili Macarıstanın Baş naziri Viktor Orbanla görüşdən sonra keçirilən mətbuat konfransında bildirib.

Onun sözlərinə görə, Macarıstan və Gürcüstanı ənənəvi və əbədi dəyərlərə sadiqlik birləşdirir.

“Ölkəmizin əsl dostu və güclü tərəfdarı olan Viktor Orbanı salamlamaq istəyirəm. Mən xoşbəxtəm və şadam ki, baş nazir Viktor Orban öz heyəti ilə Gürcüstana gəlib. Bu gün biz ilk hökumətlərarası sammiti keçirdik, onun unikal olduğunu söyləmək olar və bu gün Gürcüstan və Macarıstan respublikaları arasında münasibətlərdə tarixi bir gündür.

Xatırladım ki, keçən il ərzində bizim kifayət qədər intensiv görüşlərimiz oldu, mən Budapeştdə səfərdə idim, ilk hökumətlərarası sammitin keçirilməsinə razılaşdıq. Həmçinin, Budapeştdə müqavilə imzaladıq və strateji tərəfdaş olduq.

Ölkəmizin və xalqımızın əsl dostu, ölkəmizin Avropaya inteqrasiyasının, suverenliyinin və ərazi bütövlüyünün güclü tərəfdarı olduğunuz üçün şəxsən Sizə hökumətimiz adından səmimi minnətdarlığımı bildirmək istəyirəm. Ölkələrimizi tariximizin, mədəniyyətimizin, özünəməxsusluğumuzun qorunub saxlanmasında və bütövlükdə gündəlik həyatımızın formalaşmasında həlledici rol oynamış ənənəvi və əbədi dəyərlərə sadiqliyinin birləşdir vəməsi bizi xüsusilə sevindirir. Bura ölkələrimizə, vətənə və inancımıza sədaqət, ailə müqəddəsliyi, adət-ənənələrimizə hörmət daxildir. Bu həqiqi dəyərlərin və ənənələrin qorunmasında, möhkəmləndirilməsində Viktor Orbanın əməyini qeyd etməyə bilmərəm. Mən bunu Macarıstanda dedim və təkrar edəcəyəm - macar xalqının bəxti gətirib ki, belə çətin bir zamanda, belə gözlənilməz bir zamanda Macarıstanın yalnız öz ölkəsinin mənafeyini qoruyan və xalqının mənafeyinə xidmət edən belə güclü və vətənpərvər lideri var.

Çox səmərəli görüşümüz oldu, ölkələr arasında ticarət, iqtisadiyyat, təhlükəsizlik, müdafiə, təhsil, mədəniyyət sahələrində mövcud olan əlaqələri müzakirə etdik. Bütün istiqamətlərdə konkret, nəzərəçarpacaq irəliləyişlərimiz və nəticələrimiz var.

Bu gün həm də ölkələrə və xalqlara daha çox nəticələr gətirmək üçün zəmin yaradacaq", - Ğaribaşvili bildirib.