Gürcüstanın xarici işlər naziri İsrailin Gürcüstandakı səfiri ilə görüşüb

Gürcüstanın xarici işlər naziri İliya Darçiaşvili İsrail Dövlətinin Gürcüstandakı səfiri Hadas Meitsadini qəbul edib.

InterPress.ge xəbər verir ki, bu barədə Xarici İşlər Nazirliyi məlumat verib.

Məlumata görə, tərəflər İsraildə baş verənləri müzakirə ediblər. Xarici İşlər Nazirliyinin rəhbəri israilli diplomata Gürcüstanın İsrail dövlətinə güclü dəstəyini təsdiqləyib və bir daha İsrailə qarşı terror aktını pisləyib və həlak olanlara başsağlığı verib.

Görüşdə tərəflər bütün cari məsələlər üzrə mövcud sıx əməkdaşlığı vurğulayıb.