Tbilisi və Batumi Hava Limanlarında sərnişin axını artıb

2023-cü ilin sentyabr ayında Tbilisi Beynəlxalq Hava Limanı 376 909 sərnişinə xidmət göstərib ki, bu da 2019-cu ilin eyni ayının göstəricisindən 18%, 2022-ci ilin sentyabr ayı ilə müqayisədə isə 29% artım deməkdir.

InterPress.ge xəbər verir ki, bu barədə TAV Georgia məlumat verib.

Bildirilib ki, Batumi Beynəlxalq Hava Limanı 2023-cü ilin sentyabr ayında 81 625 sərnişinə xidmət göstərib ki, bu da ötən ilin eyni ayına nisbətən 1%, 2019-cu ilin eyni dövrünə nisbətən isə 2% çoxdur.

Daşınan sərnişinlərin sayına görə, Tbilisi Beynəlxalq Hava Limanının ilk 5 istiqaməti bunlardır: İstanbul, Təl-Əviv, Bakı, Dubay, Şarja; və Batumi Beynəlxalq Hava Limanı - Təl-Əviv, İstanbul, Minsk, Tehran və Ər-Riyad.