Baş nazir xəbərdarlıq etdi
"Həm ölkə daxilində fəaliyyət göstərən düşmən qüvvələrə, həm də onların ölkə hüdudlarından kənarda olan havadarlarına bir daha xəbərdarlıq etmək istəyirəm ki, biz ölkədə heç bir iğtişaşlara yol verməyəcəyik. İmkan verməyəcəyik ki, bu cür dağıdıcı qüvvələr ölkəmizi bir daha məhv etsinlər".
InterPress.ge xəbər verir ki, Gürcüstanın baş naziri İrakli Ğaribaşvili bu barədə hökumətin bugünkü iclasında bildirib.
İrakli Ğaribaşvilinin sözlərinə görə, Gürcüstanda əcnəbi vətəndaşlar tərəfindən təlimlərin keçirilməsi sanki mədəniyyət sahəsinin nümayəndələrini yetişdirmək kimi pərdələnir, ancaq birbaşa inqilab etmək və hakimiyyəti devirmək üçün zorakılıqdan istifadə etmələri barədə çağırış edilir.
“Bu gün səhər ictimaiyyət DTX-nin yaydığı məlumatları və ölkədə xaosun necə hazırlandığına dair konkret sübutları eşitdi. Bilirsiniz ki, bir müddət əvvəl bu barədə ictimaiyyətə məlumat verdik və ölkə hüdudlarından kənardan kömək alaraq ölkə daxilində fəaliyyət göstərən dağıdıcı qüvvələrin, düşmən, antimilli və dövlət əleyhinə qüvvələrin plan və niyyətlərini ifşa etdik. Baxın, onların xarici ölkələrdən fəal iştirakı var.
Düşünürlər ki, indi 2003-cü ildir, indi 2023-cü ildir və biz 11 ildən çoxdur hakimiyyətdəyik. Biz bu cür yoxluğun dağıdıcı radikal qüvvələri tərəfindən ölkədə hər hansı iğtişaşlara və sabitliyin pozulmasına imkan verməyəcəyik. Sizə demək istəyirəm ki, bu gün dövlət güclüdür və öz yüksəkliyində möhkəm dayanır.
Bu insanlara, istər ölkə daxilində fəaliyyət göstərən düşmən qüvvələrə, istərsə də onların ölkə xaricində olan havadarlarına bir daha xəbərdarlıq etmək istəyirəm ki, ölkədə heç bir qarışıqlığa yol verməyəcəyik. İmkan verməyəcəyik ki, bu cür dağıdıcı qüvvələr ölkəni bir daha məhv etsinlər. 90-cı illərdən bəri biz bir sıra böhranlardan keçdik, istər vətəndaş iğtişaşları, istər müharibələr, istərsə də bir çox sabitliyin pozulması. Bu, hakimiyyətimizin ölkəyə gətirdiyi yeganə davamlı sülh və sabitlik dövrüdür. Onların məqsəd və planlarının nə olduğunu çox yaxşı bilirik. Onların məqsədi zorakılıq, nizamsızlıq, sabitliyi pozmaqdır. Onlar bizim ölkədə əldə etdiyimiz uğurları, firavanlığı bəyənmirlər, ölkədə sülhü, sabitliyi qoruyub saxlamağımızı bəyənmirlər. Onların istəyi hakimiyyəti zorakılıqla devirmək və ölkədə ikinci cəbhə açmaqdır. Bu, onların ilkin məqsədi idi və təəssüf ki, bu gün də hədəfləri olaraq qalır. Ona görə də bizim və DTX-nin verdiyi bu bəyanatlar ehtiyatlı, xəbərdarlıq xarakterli bəyanatlardır.
Beləliklə, bir daha hər kəsi maksimum təmkinli olmağa çağırmaq istərdim. Belə dağıdıcı qüvvələrin sizdən istifadə etməsinə imkan verməyin. Mart hadisələrində tələbələrdən necə istifadə olunduğunu, sonra necə tərk edildiyini yaxşı xatırlayırıq. Polislərə "Molotov kokteyli"nin necə atıldığını xatırlayırıq. Bunların hamısı onların planlaşdırdıqları çirkin dövlət əleyhinə planlarıdır. Biz bununla qarşıyıq və buna imkan verməyəcəyik. Bu anti-dövlət planlarını həyata keçirənlərin hamısı maksimum şiddətlə cəzalandırılacaq”, - deyə İrakli Ğaribaşvili bildirib.
