“Ukrayna əsas qlobal silah və müdafiə sistemləri istehsalçılarından birinə çevriləcək”- Zelenski
Vladimir Zelenski Ukraynada keçirilən ilk müdafiə sənayesi forumunu yekunlaşdırıb.
InterPress.ge xəbər verir ki, bu barədə prezident videomüraciətində bildirib.
Zelenski bildirib ki, Müdafiə Sənayesi Alyansının yeni formatında artıq 19 ölkədən 38 iştirakçı var.
“Bunlar Amerika Birləşmiş Ştatları, Böyük Britaniya, Almaniya, İsveç, Danimarka, Hollandiya, Kanada, Bolqarıstan, Avstraliya, Belçika, Baltikyanı dostlarımız Litva, Latviya və Estoniya, həmçinin Çexiya, Şimali Makedoniya, Slovakiya, İspaniya, Xorvatiya və Finlandiya.
İstehsalçılarımız bugünkü forumda tərəfdaş şirkətlərlə 20 sənəd imzalayıblar... Hər bir belə sənəd daha sonra yeni istehsala, yaxud mövcud əməkdaşlığın möhkəmlənməsinə çevrilir.
Ümumiyyətlə, müdafiə sənayesi forumumuzda 250-dən çox şirkət, o cümlədən onlarla Ukrayna şirkəti iştirak edib və bu, yalnız ilk belə forumdur.
Ölkəmiz əsas qlobal silah və müdafiə sistemləri istehsalçılarından birinə çevriləcək. Bu, artıq sadəcə ambisiya və ya perspektiv deyil, reallaşmağa başlamış potensialdır. Əməyi Ukraynaya belə nəticələr verən hər kəsə təşəkkür edirəm!”, - deyə Zelenski bildirib.
