Baş nazir Suxuminin süqutu ilə bağlı bəyanat yayıb

"Düz 30 il əvvəl, 1993-cü il sentyabrın 27-də Suxuminin süqutu ilə müasir Gürcüstan tarixində ən dramatik hadisələrdən biri olan Abxaziya müharibəsi başa çatdı".

InterPress.ge xəbər verir ki, bu barədə Gürcüstanın baş nazirinin bəyanatında deyilir.

 “Müharibə ölkəmizdə ağır iz buraxdı – etnik təmizləmə yüz minlərlə insanı öz doğma yurd-yuvasından didərgin saldı, bir çox həmvətənlərimizin faciəvi şəkildə həyatına son qoydu; Rusiya tərəfindən işğal olunmuş ərazilərin işğaldan azad edilməsi və ölkəmizin birləşdirilməsi dövlətimizin və cəmiyyətimizin əsas problemi olaraq qalmaqda davam edir.

Bir daha müharibə qurbanlarının ailə üzvlərinə və yaxınlarına dərin hüznlə başsağlığı verirəm.

Bu gün həlak olanları xatırlayaraq, münaqişənin sülh yolu ilə həllinə sadiqliyimizi bir daha təsdiqləyirik; Hakimiyyətimiz bu yolla qətiyyətlə gedir, çünki dərindən inanırıq ki, sülh abxaz və osetin qardaşlarımız ilə birlikdə vahid, güclü, inkişaf etmiş ölkə qurmalı olduğumuz əsasdır. İnanıram ki, gələcək abxazların və gürcülərin birliyinə, sülhünə və rifahına məxsusdur”, - baş nazirin bəyanatında deyilir.