Müdafiə Nazirliyi Mixeil Saakaşvilinin hava nəqliyyatı ilə bağlı imzaladığı müqavilələrin məxfiliyinin açılması prosesinə başlayıb

Müdafiə Nazirliyi Gürcüstanın keçmiş prezidenti Mixeil Saakaşvilinin hava nəqliyyatı ilə bağlı imzaladığı müqavilələrin məxfiliyinin açılması prosesinə başlayıb.

InterPress.ge xəbər verir ki, bu barədə Müdafiə Nazirliyi məlumat yayıb.

Qurumun yaydığı məlumatda qeyd edilib ki, bu məxfilik Müdafiə Nazirliyi ilə “Georgian Airways” MMC arasında 2010, 2011 və 2012-ci illərdə bağlanmış müqavilələrə şamil edilir.

Bundan əlavə, Müdafiə Nazirliyindən bildirilib ki, nazirin 2012-ci il müvafiq əmri əsasında Gürcüstan Müdafiə Nazirliyinin “Georgian Airways” MMC ilə imzalanmış iki müqaviləsi artıq məxfilikdən çıxarılıb və göstərilən müqavilələr üçün Müdafiə Nazirliyinin büdcəsindən 14 milyon lariyə qədər ödəniş edilib.