Gürcüstan sərhədindən gizli şəkildə brilyant daşlar keçirməyə çalışan şəxs saxlanılıb

Gürcüstanın gömrük sərhədində xüsusilə külli miqdarda mal keçirən xarici ölkə vətəndaşı tutulub.

InterPress.ge xəbər verir ki, bu barədə Maliyyə Nazirliyinin İstintaq Xidməti məlumat verib.

“İstintaq zamanı müəyyən edilib ki, təqsirləndirilən şəxs gömrük nəzarətindən gizli olaraq Gürcüstanın gömrük sərhədinə 46 029 lari dəyərində müxtəlif ölçülü bəyan edilməmiş brilyant daşlar və qızıl üzük gətirib. 

İstintaq Gürcüstan Cinayət Məcəlləsinin cəza olaraq 5 ildən 7 ilədək müddətə azadlıqdan məhrumetməni nəzərdə tutan 214-cü maddəsinin ikinci hissəsi ilə aparılır”, - məlumatda deyilir.