Azyaşlının intim foto və videolarını satan şəxs saxlanılıb
Xüsusi istintaq xidməti şəxsi həyatın toxunulmazlığını pozduğuna görə bir nəfəri saxlayıb.
InterPress.ge xəbər verir ki, bu barədə məlumatı Xüsusi İstintaq Xidməti yayıb.
Məlumata əsasən, aparılan araşdırma nəticəsində müəyyən edilib ki, 2003-cü il təvəllüdlü müttəhim sosial şəbəkə vasitəsilə 15 yaşlı qızla tanış olub və onunla aktiv ünsiyyət quraraq etibar qazanıb. Nəticədə azyaşlı zərərçəkmiş ona şəxsi intim foto və videolarını göndərib. Bundan istifadə edən təqsirləndirilən şəxs sosial şəbəkədə zərərçəkmiş şəxsin şəklini əks etdirən saxta səhifə yaradaraq, istifadəçilərə pul müqabilində 15 yaşlı qızın intim foto və videolarını almağı təklif edib. Və pulu hesaba yatırdıqdan sonra qurbanın çılpaq bədən şəkillərini və intim videolarını alıcıya göndərib.
“Zərərçəkmiş şəxslə əlaqə saxladıqdan sonra Xüsusi İstintaq Xidməti azyaşlının konfidensiallığını tam qorumaqla araşdırma aparıb. Keçirilən istintaq-əməliyyat tədbirləri nəticəsində 2003-cü il təvəllüdlü kişi müəyyən edilib, onun mobil telefonundan zərərçəkmişin intim foto və videoları, o cümlədən satışını təsdiq edən yazışmalar götürülüb.
Xüsusi İstintaq Xidmətinin əməkdaşları təqsirləndirilən şəxsi Zuqdidi rayonunda Cinayət Məcəlləsinin 157-ci Prima maddəsində nəzərdə tutulmuş cinayətə görə saxlayıblar", - deyə məlumatda qeyd olunub.
Qeyd edək ki, cinayət 6 ildən 9 ilə qədər azadlıqdan məhrumetmə ilə cəzalandırılır
