Gürcüstanın “Georgian Wings” aviaşirkəti Tbilisi-Bakı istiqamətində ilk beynəlxalq uçuşu uğurla həyata keçirib - FOTO

“Georgian Wings” aviaşirkəti Tbilisi-Bakı istiqamətində ilk beynəlxalq uçuşu həyata keçirib.

InterPress.ge xəbər verir ki, Gürcüstanın “Geosky Georgian Wings” aviaşirkətinin uçuş istiqaməti Tbilisi Şota Rustaveli Beynəlxalq Hava Limanından Bakı Heydər Əliyev Beynəlxalq Aeroportuna ilk beynəlxalq müntəzəm reys həyata keçirib.

 “Georgian Wings” təyyarəsi Heydər Əliyev Beynəlxalq Aeroportuna uğurla eniş edib.

Bakı Beynəlxalq Hava Limanı Gürcüstan təyyarəsini ənənəvi olaraq su qövsü ilə qarşılayıb.

Bakı Beynəlxalq Hava Limanında ilk müntəzəm reyslə bağlı tədbir təntənəli şəraitdə keçirilib.

Tədbirdə “Georgian Wings”in  nümayəndələri, o cümlədən Gürcüstanın Azərbaycandakı fövqəladə və səlahiyyətli səfiri Zurab Pataradze, Gürcüstan Biznes Assosiasiyasının vitse-prezidenti Akaki Saqiraşvili, Bakı Heydər Əliyev Beynəlxalq Aeroportunun direktoru Teymur Həsənov, “Georgian Wings”in Azərbaycan Respublikasındakı rəsmi nümayəndəsi İsmayıl Məmmədov və “Azərbaycan Hava Yolları” QSC-nin prezidenti vəzifəsini icra edən cənab Samir Rzayev iştirak edib.

Tədbirdən sonra tərəflər arasında rəsmi görüş keçirilib.

Tərəflər qeyd olunan hava hərəkətinin təyin edilməsinin və iki ölkə arasında tərəfdaşlıq əlaqələrinin dərinləşdirilməsinin vacibliyini vurğulayıblar.

Bu gündən etibarən “Georgian Wings” Tbilisi-Bakı-Tbilisi istiqamətində hər çərşənbə, cümə və bazar günləri həftədə 3 tezliklə müntəzəm uçuşlar həyata keçirəcək.

Aviabiletləri aviaşirkətin rəsmi internet saytı georgianwings.com vasitəsilə, həmçinin aviaşirkətin kassalarında və turizm agentliklərindən əldə etmək olar.