Cozef Borell sentyabrın 7-8-də Gürcüstana səfər edəcək
Avropa İttifaqının Xarici Fəaliyyət Xidməti Cozef Borrelin səfərinin təfərrüatları barədə məlumat yayıb
InterPress.ge xəbər verir ki, səfər çərçivəsində Avropa İttifaqının ali nümayəndəsini Gürcüstan prezidenti Salome Zurabişvili qəbul edəcək, həmçinin Cozef Borell Gürcüstanın baş naziri İrakli Ğaribaşvili ilə görüşəcək.
Avropa İttifaqının Xarici Fəaliyyət Xidmətinin məlumatına görə, baş nazirlə görüşdən sonra birgə mətbuat konfransı keçiriləcək.
Cozef Borell Gürcüstana səfəri çərçivəsində xarici işlər naziri İlya Darçiaşvili ilə də görüşəcək.
Avropa İttifaqının Ali Nümayəndəsi fürsətdən istifadə edərək Parlamentdəki bütün siyasi partiyaların nümayəndələri ilə görüşəcək, vətəndaş cəmiyyəti nümayəndələri ilə müzakirələr aparacaq.
“Səfər zamanı Ali Nümayəndə, Vitse-Prezident Avropa İttifaqının Monitorinq Missiyasının Gürcüstanda olmasının 15 illiyini qeyd edir ki, bu da Avropa İttifaqının Gürcüstanın təhlükəsizliyinə və münaqişələrin sülh yolu ilə həllinə sadiqliyini əks etdirir. O, Avropa İttifaqının Monitorinq Missiyası (EUMM) tərəfindən “inzibati sərhəd (işğal xətti - red.) boyunca” təşkil olunan missiyada iştirak edəcək", - deyə bildirilib.
