Türkiyə prezidentinin müşaviri: ” İnanıram ki, Ərdoğan və Putin arasında görüş Qara dəniz taxıl sazişi məsələsində ən mühüm rol oynayacaq”

"Rusiya və Türkiyə prezidentləri Vladimir Putin və Rəcəb Tayyib Ərdoğan sabaha planlaşdırılan görüşdə əsas diqqəti Qara dəniz taxıl sazişinə yönəldəcəklər, çünki Türkiyə Moskvanı razılaşmaya qayıtmağa çalışır"

InterPress.ge xəbər verir ki, bu barədə Ərdoğanın xarici siyasət və təhlükəsizlik üzrə baş müşaviri , Akif Çağatay Kılıç Türkiyə mediasına müsahibəsində bildirib.

“Biz burada aparıcı rol oynayırıq. Biz taxıl dəhlizinin həyata keçirilməsinə bütün dünyadan güclü dəstək görürük. Bazar ertəsi keçiriləcək sammitdə taxıl sazişinin hazırkı vəziyyəti müzakirə olunacaq. Biz ehtiyatlıyıq, amma ümid edirik ki, uğur qazanacağıq, çünki bu, bütün dünyaya təsir edən vəziyyətdir”, - Türkiyə prezidentinin müşaviri bildirib.

Onun sözlərinə görə, Ankara anlaşma ətrafında texniki çətinliklərin olduğunu başa düşür, xüsusən də Rusiyanın taxıl və ödəniş mexanizmləri ilə bağlı. Məsələ çoxşaxəli problem olan SWIFT kimi beynəlxalq ödəniş sistemlərini də əhatə edir.
“Burada Rusiya liderinin qərarı vacibdir. İnanıram ki, prezident Ərdoğan və Putin arasında keçiriləcək ikitərəfli görüş bu məsələdə ən mühüm rol oynayacaq”, - deyə Akif Çağatay Kılıç bildirib.

Xatırladırıq ki, Rusiya və Türkiyə prezidentlərinin görüşü sabah Soçidə keçiriləcək.