Almaniya mediası: “Müxalifət prezidentə söz verib ki, o, Mixail Saakaşvilini əfv etsə, impiçmentə qoşulmayacaqlar“

Almaniya mətbuatı “Gürcü arzusu”nun prezidentin impiçment proseduruna başladığını elan etməsinə münasibət bildirib. 

InterPress.ge xəbər verir ki, məqalədə bildirilir ki, Gürcüstan müxalifəti Salome Zurabişvili qarşısında şərtlər qoyur – o, üçüncü prezident Mixail Saakaşvilini əfv etsə, impiçmenti dəstəkləməyəcəklər.

“Müxalifət də öz növbəsində prezidentə söz verib: əgər o, həbsdə olan və açıq-aşkar ağır xəstə olan eks-prezident Mixail Saakaşvilini əfv etsə, onlar impiçmentə qoşulmayacaqlar”, - Almaniya mətbuatında dərc olunan məqalədə deyilir.

Almaniyanın ictimai yayımı gürcü müxalifətinin kulis danışıqlarından danışarkən mənbəni göstərmir.

Xatırladaq ki, “Gürcü arzusu” hökuməti Salome Zurabişvilini konstitusiyanı pozmaqda ittiham edir, çünki hökumətin imtinasına baxmayaraq, Zurabişvili hələ də Qərb tərəfdaşları ilə görüşmək üçün Avropaya gedib. İrakli Kobaxidzenin dünən, sentyabrın 1-də dediyi kimi, Siyasi Şuranın iclası başa çatdıqdan sonra hakim partiya prezidentin impiçmenti proseduruna başlayır.