Səfəri zamanı Salome Zurabişvili Almaniya prezidenti ilə görüşüb

Gürcüstan prezidenti Salome Zurabişvilinin Almaniyaya səfəri başlayıb. Səfər çərçivəsində Salome Zurabişvili artıq Almaniya Federativ Respublikasının Prezidenti Frank-Valter Ştaynmayer ilə görüşüb. 

InterPress.ge xəbər verir ki, bu barədə Prezident Administrasiyası məlumat yayıb.

Məlumata görə, Gürcüstan prezidenti Almaniyaya səfəri ilə Gürcüstana Aİ üzvlüyünə namizəd ölkə statusunun verilməsinə dəstək məqsədilə Avropa liderləri ilə görüşlərə başlayır.

Məlumat üçün bildirək ki, hökumət administrasiyası prezident Salome Zurabişvilinin xaricə səfəri məsələsi ilə bağlı bəyanat yayıb və orada Salome Zurabişvilinin Almaniya ilə yanaşı, daha 9 ölkəyə səfərindən imtina edildiyi bildirilir.