İrakli Kobaxidze: Gürcüstan heç vaxt Avropa İttifaqına indiki qədər yaxın olmayıb

"Gürcüstan heç vaxt Avropa İttifaqına bu qədər yaxın olmayıb və əlbəttə ki, Avropa İttifaqı ilə keyfiyyətcə yaxınlaşmaq üçün daha çox iş görmək bizim borcumuzdur".

InterPress.ge xəbər verir ki, “Gürcü Arzusu”nun sədri və parlament çoxluğunun lideri İrakli Kobaxidze bəzi müxalifətçilərin oliqarx rejimlə demokratiyanın bir-birinə sığmaması ilə bağlı bəyanatına belə cavab verib.

“Gürcüstan bu gün keyfiyyətcə demokratik ölkədir, burada demokratik seçkilər keçirilir, media plüralizmi var, siyasi plüralizm var, insan hüquqları qorunur. 2012-ci ildən sonra Gürcüstanda bu vəziyyət kökündən dəyişdi. Bu illər ərzində əsaslı iqtisadi tərəqqi var. Ona görə də Gürcüstan heç vaxt indiki kimi Avropa İttifaqına bu qədər yaxın olmayıb və əlbəttə ki, Avropa İttifaqı ilə keyfiyyətcə yaxınlaşmaq üçün daha çox iş görmək bizim borcumuzdur”, - Kobaxidze bildirib