Aİ-nin Ali Komissarı: “Putin şəxsi və siyasi qurtuluşu üçün öz xalqını və ordusunu qurban verir”

"Rusiya Ukrayna ilə müharibədə uğur qazana bilməyəcək və dünyada Çinlə eyni çəkiyə malik deyil"

InterPress.ge xəbər verir ki, Cozef Borrel bu barədə mediaya müsahibəsində bildirib.

Onun sözlərinə görə, Rusiya prezidenti Vladimir Putin Ukraynada müharibəyə başlamaqla “demək olar ki, hər şeydə”, xüsusən də enerji asılılığına görə Avropa İttifaqı ölkələrinə nəzarət etmək imkanında səhv olub.

“Putin şəxsi və siyasi qurtuluşu üçün öz xalqını və ordusunu qurban verir, ona görə də onunla danışıqlar aparmaq belə çətindir”, - Avropa komissarı bildirib.

Bundan əlavə, Borrel Ukrayna sülh formulu ilə bağlı Səudiyyə Ərəbistanında aparılan danışıqları müsbət qiymətləndirib və Çinin bu danışıqlarda iştirakını qeyd edib.

“Çin heç vaxt Rusiyanın dəstəyini azaldacağını və ya onun itkisinə töhfə verəcəyini deməyəcəyinə baxmayaraq, rəsmi Pekini mövcud vəziyyət heç də qane etmir”, - deyə Borrel əlavə edib.