Gürcüstanda isti hava gözlənilir - Sinoptiklərdən AÇIQLAMA

Bu həftə ərzində Gürcüstan ərazisində havanın temperaturunun yüksəlməsi (istilik dalğası) gözlənilir.

InterPress.ge xəbər verir ki, bu barədə Milli Ətraf Mühit Agentliyi məlumat verib.

Məlumata görə, bəzi günlərdə Qərbi Gürcüstanın düzənliyində havanın temperaturu 37, 39°C dərəcə, Şərqi Gürcüstanın düzənliyində isə, 39, 41°C-yə çata bilər.

  Ölkənin dağlıq rayonlarında gündüz maksimal temperatur 33, 38 dərəcə, yüksək dağlıq ərazilərdə isə, 28, 33°-dək yüksələcək.

"Gözlənilən yüksək temperaturlar istilik stressi, meşə yanğınları və buzlaqların əriməsi ilə bağlı proseslərin aktivləşməsi üçün əlverişli şəraitdir", - deyə məlumatda qeyd olunub.