Rusiya Baltik dənizində hərbi dəniz təlimlərinə başlayıb

Rusiya Baltik dənizində “Okean Qalxanı 2023” adlı hərbi dəniz təlimlərinə başlayıb.

InterPress.ge xəbər verir ki, məlumatı Müdafiə Nazirliyinə istinadən Rusiya təbliğat mediası yayıb.

Məlumata görə, təlimlər “milli maraqların müdafiəsi” üçün əməliyyat əhəmiyyətli ərazidə dəniz qüvvələrinin hazırlığını yoxlamaq məqsədi daşıyır.

“Avqustun 2-dən Hərbi Dəniz Qüvvələrinin Ali Baş Komandanı, admiral Nikolay Eumenovun rəhbərliyi altında Baltik dənizi akvatoriyasında “Океанский шит 2023” hərbi dəniz təlimi başlayacaq”, - Rusiya Müdafiə Nazirliyi bəyanatında bildirib.

Agentliyin məlumatına görə, təlimdə 30-dan çox hərbi gəmi və kater, 30 təyyarə və 6 min hərbçi iştirak edəcək. Hərbi təlimlər çərçivəsində Baltik dənizində 200-dən çox döyüş manevri, o cümlədən silahların praktiki tətbiqi keçiriləcək.