Baş nazir: "Gürcüstan həmişə Avropa İttifaqının regionumuzda ən etibarlı tərəfdaşı olub"

“Gürcüstan həmişə Avropa İttifaqının regionumuzda ən etibarlı tərəfdaşı olub. Təhlükəsizlik sahəsində müttəfiq kimi Gürcüstan Avropa İttifaqının missiyalarında iştirak edərkən ənənəvi olaraq Avropa İttifaqının təhlükəsizliyinə ən böyük töhfə verən ölkələrdən biri olub. Onların arasında NATO-nun İraq və Əfqanıstandakı missiyaları da var”.

InterPress.ge xəbər verir ki, Gürcüstanın baş naziri İrakli Ğaribaşvili bu barədə Xorvatiyanın baş naziri Andrey Plenkoviçlə keçirdiyi birgə brifinqdə bildirib.

“Biz Avro-Atlantik inteqrasiya prosesinə sadiqik. Xüsusi vurğulamaq istərdim ki, Gürcüstan NATO-ya üzv olmaq istəyən ölkə kimi Avro-Atlantik inteqrasiya yolunda mühüm irəliləyişlər əldə edib və kollektiv müdafiə yükünü bölüşməyə qadir olduğunu dəfələrlə sübut edib. Gürcüstan münaqişələrin sülh yolu ilə həlli və bu prosesdə hüquqi və diplomatik vasitələrdən səmərəli istifadə siyasətini dəyişməz olaraq davam etdirir. Təbii ki, Gürcüstan ərazilərinin 20 faizi Rusiya tərəfindən işğal olunub. 2008-ci ildə bizim üçün dağıdıcı olan amansız müharibə oldu və əlbəttə ki, Gürcüstanın bu istiqamətdə səylərini dəstəklədiyi üçün beynəlxalq ictimaiyyətə, o cümlədən Xorvatiyaya minnətdarıq. Avropa İttifaqının vasitəçiliyi ilə 2008-ci il 12 avqust tarixli atəşkəs sazişinin praktiki şəkildə həyata keçirilməsi, Gürcüstanın iki rayonunun işğaldan azad edilməsi, işğal xətti boyunca yaşayan əhalinin barışması və cəlb edilməsi beynəlxalq gündəmdə qalmalı və Gürcüstanda davamlı sülhün bərqərar olması lazımdır. Səmimi qəbula və əməkdaşlığımızın geniş spektrini layiqincə müzakirə etdiyinizə görə Sizə təşəkkür etmək istərdim. Ölkələrimiz arasında tərəfdaşlığın daha da dərinləşdirilməsi üçün bütün imkanlardan istifadə etməyə hazırıq”, - deyə İrakli Ğaribaşvili bildirib.