Avtomobil Yolları Departamenti bəyanat yayır

Avtomobil Yolları Departamenti Rusiya ilə birləşən  yolda 4 zolaqlı magistral yolun çəkildiyi barədə yayılan məlumatla bağlı açıqlama yayıb.

InterPress.ge xəbər verir ki, Departamentdən bildiriblər ki, sözügedən yolun  hissəsi Avropa beynəlxalq magistralının bir hissəsidir və Rusiya ilə birləşdirici yolu təmsil etmir.

“Mtavari teleşirkətinin yaydığı növbəti yalana cavab vermək istərdik ki, guya Rusiyaya birləşdirən yolda dördzolaqlı magistral yol çəkilir.

Yalanı təsdiqləyən fakt kimi istifadə edilən tender Gürcüstanın Avtomobil Yolları Departamenti tərəfindən Tbilisiyə çıxış yolunun genişləndirilməsi üçün elan edilib. Bu, Tbilisi çıxışından Nataxtariyə qədər olan hissədir.

Daha doğrusu, beynəlxalq Tbilisi-Senaki-Leselidze avtomobil yolunun 11 km-lik hissəsinin (km 17-km 28, Tbilisi-Nataxtari) modernləşdirilməsi-tikintisinin texniki-iqtisadi əsaslandırılması və layihəsinin hazırlanması üçün tender elan edilib.

Onu da qeyd edək ki, Tbilisi-Nataxtari hissəsi Şərq-Qərb sürətli avtomobil yolunun (E60), yəni Avropa beynəlxalq magistralının bir hissəsidir və hekayə müəllifləri iddiasının əksi olaraq qeyd edirik ki, bu Rusiya ilə birləşdirici yol deyil.

Layihənin məqsədi Tbilisiyə giriş yolunun tutumunun artırılması və yol təhlükəsizliyinin keyfiyyətinin yüksəldilməsidir”, - məlumatda qeyd olunur.