NATO-nun Vilnüsdə keçirilən sammitində Ukrayna ilə bağlı üç elementdən ibarət qərar qəbul edilib
NATO-nun Vilnüsdə keçirilən sammitində Ukrayna ilə bağlı üç elementdən ibarət qərar qəbul edilib.
InterPress.ge xəbər verir ki, bu barədə Şimali Atlantika Alyansının baş katibi Yens Stoltenberq sammitin ilk gününün yekun mətbuat konfransında bildirib.
“Bu gün müttəfiqlər Ukraynanı NATO-ya yaxınlaşdıracaq üç elementdən ibarət paket üzərində razılığa gəliblər. Birincisi, bu, Ukrayna üçün çoxillik dəstək proqramıdır və bu, təlim və doktrinaları sovet standartlarından NATO standartlarına keçirməyə imkan verəcək”, - Stoltenberq bildirib.
Onun sözlərinə görə, ikinci element yeni NATO-Ukrayna Şurasının yaradılmasıdır ki, o, məsləhətləşmələr və qərarların qəbulu üçün foruma çevriləcək, biz bərabərhüquqlu şəkildə görüşəcəyik.
“Üçüncü – biz Ukraynanın NATO-ya üzv olacağını təsdiqlədik və üzvlüklə bağlı fəaliyyət planı tələbini aradan qaldırmağa razılaşdıq. Bu, Ukraynanın yolunu iki mərhələli prosesdən bir addımlı prosesə dəyişəcək. Biz həmçinin bildirdik ki, müttəfiqlər razılaşdıqda və şərtlər yerinə yetirildikdə, Ukraynanın NATO-ya üzvlüyünə dəvəti elan edəcəyik”, - Stoltenberq bildirib.
