Baş nazir: "Tövsiyələrin həyata keçirilməsi üçün hər şeyi edirik"
"Biz çalışırıq və Avropa Komissiyasının verdiyi tövsiyələri yerinə yetirmək üçün əlimizdən gələni edirik, ümid edirik ki, bu statusu alacağıq, Gürcüstan Avropa ailəsinə qoşulacaq".
InterPress.ge xəbər verir ki, bu barədə Gürcüstanın baş naziri İrakli Ğaribaşvil Frankofoniya Assambleyasında çıxışı zamanı bildirib.
İrakli Ğaribaşvilinin qeyd etdiyinə görə, Gürcüstan müstəqilliyini bərpa etdiyi ilk ildən Avropa institutlarına, Avropaya inteqrasiyanı qarşısına məqsəd qoyub.
“Parlament Assambleyası azadlıq və həmrəylik dəyərləri ilə birləşən insanlardan, qadınlardan və kişilərdən ibarətdir. Siz bu dəyərləri daşıyan insanlarsınız və bu dəyərlər bizim üçün xüsusilə vacibdir, xüsusən də dünyanın indiki dövründə. Gürcüstan da öz növbəsində geosiyasi problemlərlə üz-üzədir. Bu mərhələni səbirlə, ağılla aşmaq, tədbirli olmaq, ölkəmizdə əmin-amanlığı qorumaq, ölkəmizin inkişafına imkan yaratmaq bizim borcumuzdur. Gürcüstan müstəqilliyini bərpa etdiyi ilk ildən Avropaya inteqrasiyanı qarşısına məqsəd qoyub, biz bu yolla böyük güc, həvəs və böyük istəklə gedirik. İndiki mərhələdə Gürcüstana Avropa İttifaqına üzv olmaq üçün namizəd statusunun verilməsi ilə bağlı Avropa Komissiyasının qərarını gözləyirik. Gürcüstan bir çox islahatlar həyata keçirib, Gürcüstan korrupsiyaya qarşı mübarizə aparır, bürokratiyanı mümkün qədər azaltmaq üçün hər şeyi edirik, biznesin inkişafına kömək edirik, fiskal siyasət cəlbedici olur. Gürcüstan bu assambleyalar üçün həqiqətən yaxşı tərəfdaşdır. Sizə demək istəyirəm ki, biz birlikdə dünya təhlükəsizliyinin möhkəmləndirilməsində iştirak edəcəyik. Təsdiq etmək istəyirəm ki, bu tarixi toplantıda iştirak etmək mənim üçün böyük şərəf və böyük zövqdür”, - Ğaribaşvili bildirib.
