İrakli Kobaxidze: “Rusiyada baş verənləri müşahidə edəcəyik"

“Rusiyada baş verənləri müşahidə edəcəyik, bizim etməli olduğumuz yeganə şey budur - mən hamını sakit olmağa çağırıram”.

InterPress.ge xəbər verir ki, "Gürcü Arzusu"nun sədri İrakli Kobaxidze bu barədə jurnalistlərə bildirib.

Kobaxidze Giorgi Qaxariyanın Təhlükəsizlik Şurasının çağırılması ilə bağlı çağırışına da cavab verib və bildirib ki, “ölkənin təhlükəsizliyi qorunur və dövlət qurumları bununla məşğul olur”.

“Hətta Qaxariyanın özü də əvvəllər belə cəfəngiyat deməyib, ölkənin təhlükəsizliyi qorunur, hər şey qorunur, dövlət qurumları bunun qayğısına qalır, dövlət təhlükəsizliyin keşiyində möhkəm dayanır və heç kimin göstərişinə ehtiyac yoxdur, xüsusən də Qaxariyanın”, - İrakli Kobaxidze deyib.

Eyni zamanda, Kobaxidze Giorgi Qaxariyanın “gözlənilməz vəziyyəti nəzərə alaraq və dövlətin təhlükəsizliyini qorumaq üçün Rusiya ilə sərhədlər müvəqqəti bağlanmalıdır” bəyanatını axmaqlıq adlandırıb.