Təhlükəsizlik məqsədilə Rusiya ilə sərhədlərin dərhal bağlanılması tələb olunur

"Gürcüstan Naminə" partiyasının lideri Qiorqi Qaxaria təhlükəsizlik məqsədilə dərhal Rusiya ilə sərhədlərin bağlanmasını tələb edir.

InterPress.ge xəbər verir ki, bununla bağlı o, sosial şəbəkədə yazıb.

"Gürcüstan hökumətini Təhlükəsizlik Şurasını çağırmağa və ölkənin maraqlarını qorumağa çağırıram! Gözlənilməz vəziyyəti nəzərə alaraq və dövlətin təhlükəsizliyini qorumaq üçün Rusiya ilə sərhədləri müvəqqəti bağlayın.

Təhlükə realdır! Gürcüstanın dövlət sərhədi - Lars sərhəd-keçid məntəqəsi eskalasiya zonasına ən yaxın nöqtədir.

Sülhü qorumaq üçün vaxtında tədbir görmək lazımdır", - deyə o bildirib.