Azərbaycan oktyabrın 2-dək sərhədi açmayacaq

Azərbaycanda koronavirus pandemiyası ilə əlaqədar müəyyən edilmiş xüsusi karantin rejimi bu il oktyabrın 2-dək uzadılıb.

InterPress.ge xəbər verir ki, bu barədə Azərbaycanın Baş Naziri Əli Əsədov müvafiq sərəncam imzalayıb.

Sənədə əsasən, koronavirusun ölkə ərazisində geniş yayılmasının və onun mümkün fəsadlarının qarşısının alınması məqsədilə Azərbaycanda xüsusi karantin rejiminin müddəti 2 oktyabr 2023-cü il saat 06:00-dək uzadılıb. Qeyd edək ki, bundan əvvəl ölkə ərazisində xüsusi karantin rejiminin qüvvədə olma müddəti iyulun 1-dək müəyyən edilmişdi. Pandemiya məhdudiyyətləri çərçivəsində Azərbaycanın quru sərhədləri 2020-ci ilin yazından bağlanıb.