Mixeil Saakaşvili Papuaşviliyə cavab verdi: "Vəziyyətim nə qədər ağırlaşsa da, son nəfəsimə qədər mövqeyimi bildirəcəm"

“Əgər mən bu qədər yaxşıyamsa, niyə parlament üzvlərinə məni görməyə qoymursunuz? - Son nəfəsimə qədər mövqeyimi bildirəcəm, mənə düşünməyi qadağan edə bilməzsiniz!”.

InterPress.ge xəbər verir ki, Gürcüstanın üçüncü prezidenti Mixeil Saakaşvili parlamentin sədri Şalva Papuaşviliyə belə cavab verib.

Saakaşvili özünün “Facebook” səhifəsində dərc etdiyi bəyanatda Papuaşvilidən onun məhkəməyə “onlayn” girişini niyə blokladığını soruşub.

“Mənim məhkəməyə ONLAYN çıxışımı niyə blokladınız? Sizinlə mənim fərqim odur ki, vəziyyətim nə qədər ağırlaşsa da, son nəfəsimə qədər mövqeyimi bildirəcəm. Siz mənim düşünməyimə mane ola bilməzsiniz!” – Saakaşvili bəyan edib.