Kelli Deqnan: "Rusiya və rusiyapərəst dezinformasiya bu ölkəni parçalamaqda və çaşdırmaqda davam edir"
Rusiya və rusiyapərəst dezinformasiya bu ölkəni parçalamaqda və çaşdırmaqda davam edir.
InterPress.ge xəbər verir ki, bunu ABŞ-ın Gürcüstandakı səfiri Kelli Deqnan jurnalistlərlə söhbətində deyib.
“Deyim ki, mən üç il yarım əvvəl bura gələndə Gürcüstan qütbləşmişdi. Düşünürəm ki, hamımız razılaşırıq ki, Gürcüstan nə qədər parçalansa ondan yalnız Rusiya faydalanır. Və bu ölkəni parçalamaqda və çaşdırmaqda davam edən Rusiya və Rusiyayönlü dezinformasiyadır.
Bu çox təhlükəlidir. Gürcülər bu taktikanı bilirlər, siz onilliklər ərzində Rusiyanın [Gürcüstan] əhalisini parçalamaq, qorxutmaq və çaşdırmaq cəhdləri ilə yaşamısınız. Ümid etdiyim odur ki, təkcə gürcü xalqının aydın seçimi olan Avropaya inteqrasiyaya yaxınlaşmaq üçün bu inanılmaz fürsətə görə deyil, həm də Rusiyanın Ukraynaya qarşı davam edən təcavüzünə görə hələ də birləşmə cəhdi var. Bu, gürcü xalqının birlikdə güc olması barədə devizinizə əməl etmək üçün bir araya gəlməsinin vaxtıdır.
Bir-birini dinləmək, müxtəlif fikirlərin mövcudluğunu qəbul etmək çətin deyil. ABŞ 30 ildir ki, Gürcüstanın demokratiya qurmaq səylərini dəstəkləyir. Bura vətəndaş cəmiyyətinə dəstək daxildir, bura azad, canlı, məsuliyyətli mediaya dəstək daxildir. Bunda hər kəs rol oynamalıdır: siyasətçilər, media, jurnalistlər, vətəndaş cəmiyyəti. Ona görə ki, ilk növbədə Gürcüstanın maraqları olsun, siyasi çəkişmələr bir kənara qoyulsun.
Siyasətçilər dediklərini deyəcəklər. Hamımız bilirik ki, çox vaxt kameralar qarşısında siyasi oyunlar keçirilir. Amma əslində indi Gürcüstanın maraqlarının birinci olmasının vaxtıdır. ABŞ ən çox Gürcüstanın uğurunu, AB-yə üzvlükdə uğurunuzu, NATO üzvlüyündə uğurunuzu istəyir. Bunun ən mühüm elementi Gürcüstanın gələcəyi üçün birgə çalışmaqdır. Güc birlikdədir" dedi Deqnan.
