4 ölkə Ukraynaya yüzlərlə hava hücumundan müdafiə raketləri verəcək

ABŞ, Böyük Britaniya, Hollandiya və Danimarka Ukraynaya yüzlərlə hava hücumundan müdafiə raketləri verəcək. 

InterPress.ge xəbər verir ki, bu barədə dörd ölkənin müdafiə nazirlərinin birgə bəyanatında deyilir.

Açıqlamaya görə, birgə təşəbbüs çərçivəsində Ukrayna “yüzlərlə yaxın və orta mənzilli raketlər və müvafiq sistemlər” alacaq.

Raketlərin Kiyevə ötürülməsinə artıq başlanılıb və bir neçə həftəyə başa çatdırılacaq.

Müdafiə nazirləri qeyd edirlər ki, hava hücumundan müdafiə sistemləri və raketlər Ukraynanın mühüm milli infrastrukturunu qorumaq və qarşıdakı aylarda əks-hücum əməliyyatlarının davamlı uğurunu təmin etmək üçün lazımdır.