Corciya ştatının qubernatoru: "Biz Gürcüstan hökumətini və gürcü xalqını dəstəkləyirik"

"Biz Gürcüstan hökumətini və gürcü xalqını dəstəkləyirik. Təəssüf ki, gürcü xalqı ukraynalıların indi nələr keçirdiyini çox yaxşı başa düşür".

InterPress.ge xəbər verir ki, bu barədə Corciya ştatının qubernatoru Brayan Kemp Gürcüstana səfəri zamanı bildirib.

 “Mən və birinci xanım üçün Gürcüstanda olmaq böyük şərəfdir. Bizi onlarla illik heyrətamiz tərəfdaşlıq birləşdirir. Biz Gürcüstan hökumətini və gürcü xalqını dəstəkləyirik. Buradakı insanlar dünyada baş verənlərin geosiyasətini yaxşı başa düşürlər. Təəssüf ki, gürcü xalqı ukraynalıların indi nələr yaşadığını çox yaxşı başa düşür. Ona görə də Gürcüstanla belə gözəl tərəfdaşlığı davam etdirmək çox vacibdir”, - qubernator qeyd edib.