Aİ səfiri: "İrakli Ğaribaşvili ilə Aİ-Gürcüstan münasibətləri barədə çox açıq, dürüst və əsaslı müzakirələr apardıq"

“Biz Aİ-Gürcüstan münasibətləri ilə bağlı çox açıq, çox səmimi, çox əsaslı müzakirə apardıq”.

InterPress.ge xəbər verir ki, bunu Aİ-nin Gürcüstandakı səfiri Pavel Herçinski Gürcüstanın baş naziri İrakli Ğaribaşvili ilə görüşlə bağlı suala cavabında bildirib.

“Təsdiq etmək istəyirəm ki, bazar ertəsi axşam mən Avropa İttifaqının digər səfirləri ilə birlikdə baş nazirlə görüşə dəvət olunmuşam. Biz Aİ-Gürcüstan münasibətləri ilə bağlı çox açıq, çox dürüst, çox əsaslı müzakirə apardıq, lakin bu, qapalı görüş olduğundan mən təfərrüatlara varmaqdan çəkinəcəyəm”, - səfir qeyd edib.

Xatırladaq ki, İrakli Ğaribaşvili iyunun 12-də Avropa İttifaqına üzv ölkələrin səfirləri ilə görüşüb.