Co Bayden Koloradoda keçirilən tədbirdə yıxılıb

ABŞ prezidenti Co Bayden Koloradoda keçirilən tədbirdə ayağı büdrəyərək yıxılıb.

InterPress.ge xəbər verir ki, bu barədə BBC məlumat yayıb.

Nəşrin məlumatına görə, Koloradoda ABŞ Hərbi Hava Qüvvələri Akademiyasının buraxılış mərasimi zamanı Bayden büdrəyərək yıxılıb. Hərbi Hava Qüvvələrinin rəsmiləri ona ayağa qalxmağa kömək ediblər və Bayden tək başına öz yerinə qayıdıb.

ABŞ prezidenti akademiyanın bütün 921 məzunu ilə əl sıxmadan əvvəl təxminən bir saat yarım ayaqda dayanıb.

Ağ Evin məlumatına görə, hadisə prezidentin qum torbasının üstünə basması səbəbindən baş verib.