ABŞ Prezidenti Salome Zurabişviliyə məktub göndərib

“Amerika xalqı adından sizə və Müstəqillik Gününü qeyd edən gürcü xalqına ən xoş arzularımı bildirirəm”.

InterPress.ge xəbər verir ki, bu barədə Amerika Birləşmiş Ştatlarının Prezidenti Co Bayden Gürcüstan Prezidenti Salome Zurabişviliyə göndərdiyi təbrik məktubunda bildirib.

Baydenin sözlərinə görə, Gürcüstan və ABŞ arasında otuz ildən artıqdır ki, tərəfdaşlıq regionda və dünyada sülhün və rifahın inkişafına töhfə verir.

“Xalqlarımız arasında sıx əlaqələrə, demokratiya və qanunun aliliyini özündə birləşdirən ümumi dəyərlərimizə əsaslanan möhkəm və qırılmaz bağ var.

Biz Gürcüstanın Avro-Atlantik məkana, o cümlədən Avropa İttifaqı və NATO-ya inteqrasiyası istiqamətində səylərini dəstəkləmək üçün birlikdəyik. Birləşmiş Ştatlar Gürcüstanın suverenliyini və ərazi bütövlüyünü dəstəkləməkdə davam edəcək və Rusiyanın təcavüzünə, o cümlədən Gürcüstan ərazisinin ədalətsiz işğalına və münaqişə və parçalanmanın qızışdırılmasına yönəlmiş səylərə qarşı müqavimət göstərəcək.

Qarşıdakı illərdə xalqımız üçün daha təhlükəsiz və firavan gələcək yaratmaq üçün Gürcüstan və Amerika Birləşmiş Ştatları arasında tərəfdaşlığın gücləndirilməsini səbirsizliklə gözləyirəm. Milli bayramınız mübarək olsun”, - deyə Baydenin Zurabişviliyə göndərdiyi məktubda deyilir.