Zelenski: “Arzu edirəm ki, Gürcüstan Avropa ailəsində olsun”

“Arzu edirəm ki, Gürcüstan Avropa ailəsində olsun”.

InterPress.ge xəbər verir ki, bunu Ukrayna Prezidenti Vladimir Zelenski Gürcüstanı Müstəqillik Günü münasibətilə təbrik videomüraciətdə deyib.

“Bütün gürcü xalqını Müstəqillik Günü münasibətilə təbrik edirəm və onların bizimlə və Avropanın bütün digər xalqları ilə birlikdə azad, sülhsevər və Avropa ailəsində birləşməsini istəyirəm. Mən bunu bütün Gürcüstana və ölkənizin hələ də Rusiyanın işğalı altında olan hissələrinə arzulayıram. Gürcüstan ən qədim və mühüm tarixi qüvvələrdən biridir və bu güc qarşısıalınmazdır, mən buna əminəm. İşğalçı uduzacaq”, - deyə Zelenski bildirib.

"Yaşasın azad Gürcüstan", - Zelenski gürcü dilində deyib.