Putin Gürcüstanla viza rejiminin ləğvi haqqında: "Düşünürdüm ki, hamı təşəkkür edəcək, amma anlaşılmaz bir fırtına ilə qarşılaşdım"

Rusiya prezidenti Vladimir Putinin sözlərinə görə, Gürcüstanla vizasız rejimin yaradılması onun şəxsi qərarı olub və bu, müxtəlif vəziyyətlərlə, o cümlədən turizm mövsümünün başlanması ilə bağlı olub.

InterPress.ge xəbər verir ki, Putin bunu “Delovaya Rusiya” təşkilatı ilə görüşü zamanı deyib.

“Bu, mənim qərarım, təklifim idi və bu, bir sıra hallarla, o cümlədən tətil mövsümünün başlaması ilə bağlı idi”, - deyə o söyləyib.

Putin bildirib ki, bu qərarın məqsədi Gürcüstanla Rusiya arasında münasibətləri normallaşdırmağa çalışan insanlara, eləcə də “Gürcüstanı sevən” rus iş adamlarına və vətəndaşlarına “kömək etmək” olub.

Putin Gürcüstanda vizasız rejimin tətbiqinə reaksiyanın onun üçün sürpriz olduğunu deyib. Putin təşəkkür gözlədiyini, lakin "anlaşılmaz fırtına" ilə qarşılaşdığını söyləyib.

“Biz sadəcə irəliyə doğru bir addım atdıq. Kənardan baxıram və düşünürəm: onlar dəli olublar, yoxsa nə? Orada nə baş verir?" , - deyən Putin yalnız iki ölkə xalqının maraqlarına uyğun hərəkət etdiyini əlavə edib.