Gürcüstan parlamentinin vitse-spikeri Azərbaycan xalqını Müstəqillik Günü münasibətilə təbrik edir

Gürcüstan parlamentinin vitse-spikeri, Azərbaycanla dostluq qrupunun rəhbəri Arçil Talakvadze Azərbaycanı və Azərbaycan xalqını Müstəqillik Günü münasibətilə təbrik edir.

InterPress.ge xəbər verir ki, bu barədə o, sosial şəbəkədə yazıb.

 “Azərbaycanı Müstəqillik Günü münasibətilə təbrik edirik! Sizi tarixin bu möhtəşəm günü münasibətilə təbrik edir və sizə ən xoş arzularımı bildirirəm. Azərbaycan xalqına sülh, firavanlıq və tərəqqi arzulayıram”, - deyə Talakvadze “Twitter” səhifəsində yazıb.

 Məlumat üçün bildirək ki, bu gün Azərbaycan müstəqilliyinin 105-ci ildönümünü qeyd edir.