Kaladze Rusiya ilə Gürcüstan arasında dəmir yolu hərəkətinin bərpası ilə bağlı suala belə cavab verdi

“İşğal olunmuş Abxaziya vasitəsilə Rusiya ilə Gürcüstan arasında dəmir yolu hərəkətinin mümkün bərpası ilə bağlı məlumatım yoxdur”.

InterPress.ge xəbər verir ki, bunu Tbilisi meri, “Gürcü Arzusu”nun baş katibi Kaxa Kaladze deyib.

Kaladzenin sözlərinə görə, komandada bu mövzunu müzakirə etməyiblər.

“Mən ilk dəfədir ki, dəmir yolunun bərpası barədə eşidirəm. Bu mövzuda bizimlə heç bir müzakirə olmayıb. Nə danışdığınızı heç bilmirəm, amma sizə bir şeyi demək istəyirəm ki, Gürcüstan hakimiyyəti hər zaman lazım olan, ölkəmizə, ölkəmizin maraqlarına və bu ölkədə yaşayan insanların ehtiyac duyduğu addımları atır”, - Kaladze bildirib.