Avropa İttifaqı rus almazlarının ticarətini məhdudlaşdıracaq

Avropa İttifaqı Moskvaya qarşı sanksiyaların sərtləşdirilməsi çərçivəsində Rusiyadan almaz ticarətini məhdudlaşdırmaq niyyətindədir.

InterPress.ge xəbər verir ki, bu barədə Avropa Şurasının sədri Şarl Mişel Xirosimada “Böyük Yeddilik” sammitindən əvvəl keçirilən mətbuat konfransında bildirib.

"Biz Rusiya almazlarının ticarətini məhdudlaşdıracağıq. Rus almazları əbədi deyil", - o deyib.

Bununla belə, o qeyd edib ki, növbəti sanksiyalar paketi ilə bağlı müzakirələr davam edir. Belçika hökumətinin rus almazı ticarətinə qarşı daha sərt tədbirlərə yekun razılıq verib-vermədiyini soruşduqda Mişel birbaşa cavabdan yayınıb.

Avropa Şurasının rəhbəri bildirib ki, Aİ hazırda “sanksiya rejimindəki boşluqları aradan qaldırmaq və Rusiyaya kritik tədarükləri kəsməkdə davam etmək üzərində işləyir”. Onun sözlərinə görə, bundan əlavə, Ukraynaya “güclü hərbi, siyasi, humanitar və maliyyə” dəstəyi davam edəcək.