Marneuli bələdiyyəsinin meri və Sakrebulo sədri Avropaya inteqrasiya departamentinin direktoru və NATO-nun regional nümayəndəsi məlumatlandırıcı görüş keçirilib

Marneuli bələdiyyəsinin meri Kənan Ömərov və bələdiyyə məclisi sədri Amiran Qiorqadze Gürcüstan Xarici İşlər Nazirliyinin Avropaya inteqrasiya departamentinin direktoru Davit Bujiaşvili və NATO-nun regional nümayəndəsi Temur Suğaşvili ilə məlumatlandırıcı görüş keçiriblər. 

IntterPress.ge xəbər verir ki, bu barədə Marneuli meriyası məlumat yayıb.

Onların məlumatlarına görə, görüşün məqsədi Gürcüstanın Avropaya inteqrasiyasının əhəmiyyəti və prosesin dinamikası, Aİ-Gürcüstan əməkdaşlığı haqqında maarifləndirmək və gələcək perspektivləri müəyyən etmək olub.

Qeyd edək ki, görüş Xarici İşlər Nazirliyinin NATO və Avropa İttifaqı İnformasiya Mərkəzi tərəfindən, “Avropa günləri” layihəsi çərçivəsində təşkil olunub.