Gürcüstan parlamentinin sədri bu gün Azərbaycanda rəsmi səfərdə olacaq

Gürcüstan parlamentinin sədri Şalva Papuaşvili mayın 15-16-da Azərbaycan Respublikasında rəsmi səfərdə olacaq.

InterPress.ge xəbər verir ki, Gürcüstan parlamentinin sədri Azərbaycan Respublikasının Baş naziri Əli Əsədov və Milli Məclisin sədri Sahibə Qafarova ilə görüşlər keçirəcək.

O, Azərbaycan Respublikası Milli Məclisinin Heydər Əliyevin 100 illik yubileyinə həsr olunmuş növbədənkənar sessiyasında da iştirak edəcək.

 Məlumatı parlamentin mətbuat xidməti yayıb.