Baş nazir NATO-nun baş katibi ilə hansı məsələləri müzakirə etdiyini açıqladı

“İkitərəfli və regional əməkdaşlığın gündəliyini, regional təhlükəsizlik problemlərini  və gələcək tərəfdaşlıq məsələlərini müzakirə etdik”.

InterPress.ge xəbər verir ki, Gürcüstanın baş naziri İrakli Ğaribaşvili tvitter hesabında NATO-nun baş katibi Yens Stoltenberqlə görüşünə münasibət bildirib.

Baş nazir Gürcüstan və NATO-nun etibarlı tərəfdaş olduğunu vurğulayıb.

“Brüsselə səfərim zamanı Yens Stoltenberqlə əla görüş keçirdim. Gürcüstan və NATO etibarlı tərəfdaşlardır. İkitərəfli və regional əməkdaşlığın gündəliyini, regional təhlükəsizlik problemlərini  və gələcək tərəfdaşlıq məsələlərini müzakirə etdik”, - deyə hökumət başçısı qeyd edib.