Avropa Parlamentinin deputatı: Gürcü Arzusu”nun Aİ əleyhinə kampaniyası tamamilə iflasa uğrayıb

“Gürcüstandan xoş xəbər! “Gürcü Arzusu”nun və onun peyklərinin Aİ əleyhinə kampaniyası tamamilə iflasa uğrayıb. Hazırda gürcülərin demək olar ki, 90%-i Avropa İttifaqına qoşulmağı dəstəkləyir”.

InterPress.ge xəbər verir ki, Avropa Parlamentinin deputatı Viola fon Kramon IRI sorğusunun nəticələrinə belə münasibət bildirib.

“Tarixi maksimum. İnsanlar kimin əsl dost, kimin dost olmadığını çox gözəl bilirlər!” – deyə Avropa Parlamentinin deputatı yazıb.

Məlumat üçün bildirək ki, Beynəlxalq Respublika İnstitutunun araşdırmasına görə, respondentlərin 89%-i Gürcüstanın Avropa İttifaqına üzvlüyünü tam və ya az-çox dəstəkləyir. Əvvəlki sorğu ilə müqayisədə dəstək 4% artıb və tarixi maksimuma çatır.