“Radikal müxalifət Gürcüstanda iğtişaşlar və inqilab təşkil edə bilməyəcək" - Kobaxidze

“Radikal müxalifət Gürcüstanda iğtişaşlar və inqilab təşkil edə bilməyəcək, onların planları həyata keçməyəcək".

InterPress.ge xəbər verir ki, bu barədə “Gürcü Arzusu”nun sədri İrakli Kobaxidze bildirib.

O, mart aksiyalarından danışaraq bildirib ki, iğtişaşlar improvizə deyil, radikal müxalifətin əvvəlcədən hazırladığı ssenaridir və buna görə də “Molotov kokteyli” atan, polisləri yandıran insanları qoruyurlar.

“Polislərə “Molotov kokteyli” atan, polisləri yandırmağa cəhd edən və digər aqressiv hərəkətləri ilə seçilən şəxsə radikal müxalifət birbaşa dəstək verəndə məlum olur ki, əslində bütün bu ssenarinin arxasında radikal müxalifət dayanır. Bu, konkret adamların improvizasiyası deyil. Tbilisinin mərkəzində bilavasitə iğtişaşlar təşkil edən şəxslər radikal müxalifətin öyrətdiyi adamlar idi”, - Kobaxidze bildirib.